ஜனாசாக்களை அடக்கம் செய்வது குறித்து பிரதமருடன் விஷேட சந்திப்பு


கொவிட் தொற்றுக்கு இலக்காகி உயிரிழந்தவர்களை  அடக்கம் செய்வது குறித்து பிரதமர் மகிந்த ராஜபக்ச அதிகாரிகளுக்கு விசேட பணிப்புரை ஒன்றை விடுத்துள்ளார்.

ஜனாசாக்கள் தகனம் செய்யப்படுவது குறித்து நேற்றைய தினம் (10) முஸ்லிம் நாடாளுமன்ற உறுப்பினர்கள், பிரதமருடன் விசேட சந்திப்பு ஒன்றை நடாத்தியிருந்தனர்.

கொவிட்டினால் உயிரிழப்பவர்களின் ஜனாசாக்களை நல்லடக்கம் செய்வதற்கு உலர்ந்த நிலப்பரப்பு ஒன்றைத் தெரிவு செய்யுமாறு பிரதமர் பணிப்புரை விடுத்துள்ளார்.

சுகாதாரத்துறையின் நிபுணர்களினது அறிவுறுத்தல்களுக்கு அமைய இந்த நிலப்பரப்பு தெரிவு செய்யப்பட வேண்டுமெனப் பிரதமர் தெரிவித்துள்ளார்.

மிகவும் உலர்ந்த நிலமொன்றைத் தெரிவு செய்யுமாறும் அங்கு நிலக்கீழ் நீர் மிகவும் ஆழத்தில் இருக்க வேண்டுமெனவும் பிரதமர் ஆலோசனை வழங்கியுள்ளார்.

இன, மத ரீதியிலான காரணிகளின் அடிப்படையில் சுகாதார விடயங்களில் தீர்மானங்களை எடுக்க முடியாது என அவர் சுட்டிக்காட்டியுள்ளார்.

சுகாதார வழிமுறைகளைப் பின்பற்றுவதற்கு அனைத்து இன, மத சமூக மக்களும் ஒத்துழைப்பு வழங்க வேண்டியது அவசியமானது எனவும் அவர் தெரிவித்துள்ளார்.

0/Post a Comment/Comments

Previous Post Next Post