மேல் மாகாணத்தில் திருமணங்கள் மற்றும் சமய நிகழ்வுகள் தடை! ஜனாதிபதி அலுவலகம்

மேல் மாகாணத்தில் திருமணங்கள் மற்றும் சமய நிகழ்வுகள் தற்காலிகமாக தடை செய்யப்பட்டுள்ளதாக ஜனாதிபதி அலுவலகம் தெரிவித்துள்ளது.

கொரோனா தொற்று பரவலை கட்டுப்படுத்தும் நோக்கில் இந்த நடவடிக்கை மேற்கொள்ளப்பட்டுள்ளதாக தெரிவிக்கப்பட்டுள்ளது.

இதன்படி, ஒரு இடத்தில் ஒன்றுகூடும் அனைத்து நிகழ்வுகளும் மேற்கு மாகாணத்தில் தடை செய்யப்பட்டுள்ளன என்று ஜனாதிபதி அலுவலகம் தெரிவித்துள்ளது.

இதற்கிடையில், மேல் மாகாணத்தில் மூன்று நாள் ஊரடங்கு உத்தரவின் போது ஊரடங்கு பாஸ் (curfew passes) வழங்கப்படாது என்றும் ஜனாதிபதி அலுவலகம் தெரிவித்துள்ளது.

அத்தியாவசிய தேவை இருந்தால் மட்டுமே பாஸ் வழங்கப்படும் என்று ஜனாதிபதி அலுவலகம் தெரிவித்துள்ளது.

இதேவேளை, மேற்கு மாகாணத்தில் மூன்று நாள் ஊரடங்கு உத்தரவின் போது, ஊரடங்கு உத்தரவை மீறுபவர்கள் மீது கடுமையான சட்ட நடவடிக்கை எடுக்கப்படும் என்று ஜனாதிபதி அலுவலகம் அறிவித்துள்ளது.

இன்று நள்ளிரவு முதல் திங்கள் (02) காலை 05.00 மணி வரை மேல் மாகாணம் முழுவதும் தனிமைப்படுத்தப்பட்ட ஊரடங்கு உத்தரவு பிறப்பிக்கப்பட்டுள்ளமை குறிப்பிடத்தக்கது.