ஞானசார தேரருக்கு எதிரான நீதிமன்ற அவமதிப்பு வழக்கு அடுத்த பெப்ரவரியில் விசாரணைக்கு - Flash News

Breaking Updates

Home Top Ad

விளம்பரப் பகுதி 076 665 9 665

Tuesday, October 20, 2020

ஞானசார தேரருக்கு எதிரான நீதிமன்ற அவமதிப்பு வழக்கு அடுத்த பெப்ரவரியில் விசாரணைக்கு


நீதிமன்றத்தை அவமதித்த குற்றச்சாட்டில் பொதுபல சேனா அமைப்பின் பொதுச் செயலாளர் கலகொட அத்தே ஞானசார தேரருக்கு எதிராக தொடரப்பட்டுள்ள வழக்கை எதிர்வரும் பெப்ரவரி மாதம் 19 ஆம் திகதி விசாரணைக்கு எடுக்குமாறு மேன்முறையீட்டு நீதிமன்றம் இன்று உத்தரவிட்டுள்ளது.

இந்த முறைப்பாட்டு மனுமீதான வழக்கு மேன்முறையீட்டு நீதிமன்ற நீதியரசர்கள் மகிந்த சமயவர்தன மற்றும் அர்ஜூன ஒபேசேகர ஆகியோர் அமர்வின் முன் இன்று ஆராயப்பட்டது.

முறைப்பாட்டாளர் தரப்பின் சார்பில் ஆஜரான சட்டத்தரணி எம்.ஏ. சுமந்திரனின் கோரிக்கையை ஏற்றுக்கொண்ட நீதியரசர்கள், வழக்கு விசாரணைகளை பெப்ரவரி 19 ஆம் திகதி நடத்துவது என தீர்மானித்துள்ளனர்.

தமிழ்த் தேசியக் கூட்டமைப்பின் முன்னாள் நாடாளுமன்ற உறுப்பினர் சாந்தினி ஸ்ரீஸ்கந்தராஜா இந்த முறைப்பாட்டு மனுவை தாக்கல் செய்துள்ளார்.

முல்லைத்தீவு குருகந்தை ரஜமஹா விகாரையின் விகாராதிபதியின் உடலை தகனம் செய்வது தொடர்பான முல்லைத்தீவு நீதிமன்றம் வழங்கிய உத்தரவை மீறி, அவரது உடலை தகனம் செய்தன் மூலம் நீதிமன்றத்தை அவமதித்துள்ளதாக குற்றம் சுமத்தி, ஞானசார தேரருக்கு எதிராக இந்த வழக்கு தொடரப்பட்டுள்ளது.

No comments:

Post a Comment