எல்ல 09 வளைவு பாலத்தை சூழவுள்ள பிரதேசத்தின் சுற்றுலா முகாமைத்துவ திட்டம் தொடர்பில் போக்குவரத்து மற்றும் நெடுஞ்சாலைகள் அமைச்சுக்கும் மத்திய கலாசார நிதியத்திற்கும் இடையில் புரிந்துணர்வு ஒப்பந்தம் பிரதமர் தினேஷ் குணவர்தன தலைமையில் இன்று (2024.07.29) பிரதமர் அலுவலகத்தில் கைச்சாத்திடப்பட்டது.
இலங்கையில் முதன்முறையாக தேசிய பாரம்பரிய தளம் தொடர்பில் ஆம்புலன்ஸ் சேவையொன்று இங்கு ஆரம்பிக்கப்படவுள்ளது. இத்திட்டத்தின் இரண்டாம் கட்டமாக தெமோதர புகையிரத நிலையத்தை அண்மித்த பகுதியில் சுற்றுலா முகாமைத்துவ திட்டம் ஒன்றை ஆரம்பிக்க முன்மொழியப்பட்டுள்ளது.
இங்கு பேசிய பிரதமர், இதுபோன்ற திட்டங்களின் மூலம் சுற்றுலா மையங்களை மேம்படுத்தி சுற்றுலா பயணிகளை கவரும் வகையில் செயல்படுவதற்கு நன்றி தெரிவித்துக் கொள்கிறேன் என்றார். அக்காலகட்டத்தில் பொறியியல் துறையில் இந்த வடிவமைப்புகள் பெரிதும் பாராட்டப்பட்டதைச் சுட்டிக்காட்டிய பிரதமர், இந்தத் திட்டங்களைச் செயல்படுத்தும்போது, இயற்கைச் சூழலின் இருப்பு மற்றும் ஸ்திரத்தன்மை பாதுகாக்கப்படுவதோடு, வருங்கால சந்ததியினரின் பாரம்பரியத்தையும் பாதுகாக்க வேண்டும் என்றும் வலியுறுத்தினார்.
இந்த நிகழ்வில் கலந்து கொண்ட போக்குவரத்து அமைச்சர் பந்துல குணவர்தன, எல்ல ஒடிஸி, துன்ஹிந்த ஒடிஸி மற்றும் கலிப்ஸோ ஆகிய ரயில்கள் இதில் முக்கியமான படிகளாகும் எனக் குறிப்பிட்டார்.
இத்திட்டங்கள் தொடர்பில் மிகவும் முக்கியத்துவம் வாய்ந்த புகையிரத சேவையை நவீனமயப்படுத்தி அபிவிருத்தி செய்வதற்கான முன்மொழிவு ஏற்கனவே போக்குவரத்து அமைச்சர் என்ற வகையில் ஜனாதிபதியிடம் சமர்ப்பிக்கப்பட்டுள்ளதாக அமைச்சர் மேலும் குறிப்பிட்டார்.
மத்திய கலாசார நிதியத்தின் சார்பில் பணிப்பாளர் நாயகம் காமினி ரணசிங்க மற்றும் இலங்கை புகையிரத திணைக்களத்தின் பொது முகாமையாளர் எஸ்.எஸ்.முதலிகே ஆகியோர் இந்த ஒப்பந்தத்தில் கைச்சாத்திட்டனர்.
புத்தசாசன அமைச்சர் விதுர விக்கிரமநாயக்க, பாராளுமன்ற உறுப்பினர் யதாமினி குணவர்தன, பிரதமரின் செயலாளர் அனுர திஸாநாயக்க, போக்குவரத்து அமைச்சின் செயலாளர் ரஞ்சித் ரூபசிங்க, புத்தசாசன அமைச்சின் செயலாளர் எச்.எம்.பி.பி.ஹேரத் மற்றும் அமைச்சின் அதிகாரிகள் குழுவினர் இந்நிகழ்வில் கலந்துகொண்டனர்.
0 Comments :
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3.உங்களது மேலான கருத்துக்களையும் ஆலோசனைகளையும் எதிர்பார்கிறோம்
இந்த வலைதளம் வளாச்சிக்கு நிறை - குறைகளை
சுட்டி காட்டவும் உங்கள் வருகைக்கு நன்றி.
KA MEDIA NETWORK