கொரோனாவினால் மரணிப்பவர்களை தகனம் செய்ய வேண்டுமென்ற நிலைப்பாட்டில் சுகாதார அமைச்சு நியமித்துள்ள கொரோனா நிபுணர் குழு தொடர்ச்சியாக இருப்பதை ஆட்சேபித்து, அக்குழுவை பிரதிநிதித்துவப்படுத்திய பல வைத்தியசர்களும், நிபுணர்களும் ராஜினாமா செய்துள்ளனர்.
அரச சட்ட வைத்திய அதிகாரி டொக்டர் சன்ன பெரேரா தலைமையில் நடந்த கூட்டத்தில் இதுதொடர்பாக கலந்துரையாடப்பட்ட பின்னர், இவர்கள் ராஜினாமா செய்வதற்கான தீர்மானத்தை எடுத்துள்ளனர்.
சமூக வைத்தியக் கல்லூரி மற்றும் ‘வைரலோஜிஸ்ட்’கள் கொரோனா மரணம் தொடர்பாக தமது அறிக்கைகளை முன்வைத்துப் பேசியதோடு, கொரோனாவினால் இறப்பவர்களை தகனம் செய்வதற்கும் அடக்கம் செய்வதற்கும் அனுமதிக்கப்பட்டுள்ளமை பற்றி அங்கத்தவர்கள் பலர் சுட்டிக்காட்டியுள்ளனர்.
ஐ.நா. மற்றும் உலக சுகாதார ஸ்தாபனம் என்பனவற்றின் வழிகாட்டல்களுக்கு மாறாக செயற்படுவதில் உள்ள பாதிப்புகளையும் இவர்கள் எடுத்து விளக்கி உள்ளனர்.
அரச சட்ட வைத்திய அதிகாரிகளான டொக்டர் சன்ன பெரேரா, களுத்துறை அரச சட்ட வைத்திய அதிகாரி டொக்டர் சிறியானந்த அமரசேகர மற்றும் நீர் கொழும்பு சட்ட வைத்திய அதிகாரி ஆகியோர்; கொரோனா தொற்றினால் இறப்பவர்களது சடலங்களை எரிக்க வேண்டும் என்ற நிலைப்பாட்டிலேயே இருந்துள்ளனர்.
தகனம் செய்வதற்கு இணங்காத உறுப்பினர்கள் குழுவில் இருந்து ராஜினாமா செய்வதாக அறிவித்துள்ளனர்.
வைத்திய ஆராய்ச்சி நிறுவனத்தை பிரதிநிதித்துவப்படுத்தும் டொக்டர் ஆனல்ட், பேராசிரியர் அஜித் தென்னகோன், பிரதம சட்ட வைத்திய அதிகாரி உட்பட பலர் தமது ராஜினாமாக்களை சுகாதார அமைச்சின் பணிப்பாளர் நாயகத்துக்கு அனுப்பி வைத்திருப்பதாக தகவல்கள் தெரிவிக்கின்றன.
மருத்துவம், விஞ்ஞானம் மற்றும் ஆராய்ச்சி போன்றவற்றுக்கு மாற்றமாக செயற்படும் குழு ஒன்றில் தமக்கு இருக்க முடியாதென, ராஜினாமா செய்த வைத்தியர்களும், நிபுணர்களும் தெரிவித்திருக்கிறார்கள்.
எதிர்காலத்தில் சர்வதேச ரீதியாக நடைபெறும் வைத்திய அமர்வுகளிலும் சுகாதார மாநாடுகளிலும் தாம் நிராகரிக்கப்படலாம் என இவர்கள் அச்சம் தெரிவித்துள்ளனர்.
19 பேரைக் கொண்ட குழுவில் அதிகமானவர்கள் ராஜினாமா செய்துள்ளதாக சுகாதார அமைச்சின் தகவல்கள் தெரிவிக்கின்றன.
நன்றி: நவமணி
0 Comments :
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3.உங்களது மேலான கருத்துக்களையும் ஆலோசனைகளையும் எதிர்பார்கிறோம்
இந்த வலைதளம் வளாச்சிக்கு நிறை - குறைகளை
சுட்டி காட்டவும் உங்கள் வருகைக்கு நன்றி.
KA MEDIA NETWORK