தற்போதைய கொவிட் 19 பரவல் நிலைமையை கருத்தில் கொண்டு திடீர் விபத்து, மருத்துவ சிகிச்சை மற்றும் அத்தியாவசிய சேவைகளை பெற்றுக்கொள்ள மாத்திரம் தேசிய கண் வைத்தியசாலைக்கு பிரவேசிக்குமாறு அந்த வைத்தியசாலை கோரியுள்ளது. இதற்கமைய நோயாளர்கள் அருகில் உள்ள அரசாங்க வைத்தியசாலைகளின் கண் சிகிச்சை பிரிவிற்கு சென்று சிகிச்சைகளை பெற்றுக்கொள்ள முடியும் என அந்த வைத்தியசாலையின் பணிப்பாளர் அறிக்கை ஒன்றை வெளியிட்டு தெரிவித்துள்ளார்.

விசேட கண் சிகிச்சை தேவைப்படும் நோயாளர்கள், அருகில் உள்ள அரசாங்க வைத்தியசாலையின் கண் மருத்துவ நிபுணரின் கடிதத்துடன் தேசிய கண் வைத்தியசாலைக்கு வருகை தர வேண்டும் எனவும் அந்த அறிக்கையில் குறிப்பிடப்பட்டுள்ளது.

அத்துடன் 14 வயதிற்கு குறைவான பிள்ளைகளை அநாவசியமாக வைத்தியசாலைக்கு அழைத்துவருவதை தவிர்க்குமாறும் தேசிய கண் வைத்தியசாலை கோரியுள்ளது