திவுலப்பிட்டிய ஆடைத் தொழிற்சாலையில் சேவையாற்றி வரும் பன்னல - வெட்டகேயாவ பிரதேசத்தை சேர்ந்த ஒருவருக்கு கொரோனா தொற்றி இருப்பது உறுதிப்படுத்தப்பட்டுள்ளதாக பன்னல சுகாதார சேவைகள் அதிகாரியின் அலுவலகம் தெரிவித்துள்ளது.

கொரோனா வைரஸ் தொற்றியுள்ளதாக அடையாளம் காணப்பட்டுள்ள நபர், தற்போது நீர்கொழும்பு வைத்தியசாலையில் சிகிச்சை பெற்று வருகிறார். அவரது மனைவி உட்பட குடும்பத்தை சேர்ந்த நான்கு பேர் அவர்களின் வீட்டில் தனிமைப்படுத்தப்பட்டுள்ளதாக பன்னல சுகாதார அதிகாரி சமா ஹேரத் தெரிவித்துள்ளார்.

பன்னல சுகாதார அதிகாரியின் அலுவலக பிரிவில் உள்ள இஹல மாகந்துர, பாஹல மாகந்துர, மெல்லவலான, பல்லேகம, போப்பிட்டிய, நாராங்கொமுவ, வெட்டகேயாவ, ஆகிய பிரதேசங்களை சேர்ந்த 10 பேருக்கு PCR பரிசோதனை மேற்கொள்ளப்பட்டுள்ளது. இவர்களில் ஒருவருக்கு கொரோனா வைரஸ் தொற்றியுள்ளது உறுதிப்படுத்தப்பட்டுள்ளதுடன் ஏனையோரின் மருத்துவ அறிக்கை கிடைக்கவுள்ளது.